د جڤینا بەشەک ژ پارتیێن باشوورێ کوردستانێ دە یا ب بافل تالەبانی سەرۆکێ یەنەکێ رە، تەڤی کو داخواز ژ جەمیل بایک و مەزلووم عەبدی ژی هاتبوو کرن بەشداری جڤینێ ببن، لێ ئەو ئامادە نەبوون و ب تەنێ ب نامەیەکی بەشدار بوون.
ل گۆر ئاگاهیێن تایبەت یێن دارکا مازی، د جڤینا رۆژا 24/11/2022ان یا کو ل مالا مام جەلال یا ل دووکانێ هاتیە ئەنجامدایین دە، پەکەکە ئامادە نەبوو د ئاستەکی بلند دە بەشدار ببە و ب تەنێ یەک ژ کادرۆیێن خوە یێن باشوور ب ناڤێ تارا حسێن هەڤسەرۆکا تەڤگەرا ئازادی وەکە نوونەرا خوە شاند جڤینێ.
بافل تالەبانی سەرۆکێ یەنەکێ، د جڤینا کو ب هێنجەتا گفتوگۆکرن ل سەر پرسگرێکێن ناڤخوە یێن هەرێما کوردستانێ ل مالا باڤێ خوە ل دووکانێ ل دار خستی دە ئەشکەرە کریە کو وی داخوازا ئامادەبوونێ ژ هەر یەک ژ جەمیل بایک و مەزلووم عەبدی ژی کریە کو بەشداری جڤینێ ببن، لێ ئەو نەکارینە ئامادە ببن، سەرۆکێ یەنەکێ د ڤێ جڤینێ دە ب ئامادەبوویان رە راگهاندیە کو ڤان کەسانە نامەیەک شاندیە و ژ ئامادەبوویان رە ئەو نامە خوەند.
بافل تالەبانی دخوازە ووسا نیشان بدە کو تەڤ پارتیێن کوردستانێ داخواز کرنە جڤینێ، لێ یا راست ئەڤە کو ب تەنێ پارتیێن ئۆپۆزسیۆن و پارتیێن دژبەری پەدەکێ داخواز کربوون، سەرۆکێ یەنەکێ هەر یەک ژ پەکەکە و پەیەدە ژی داخواز کربوون جڤینێ، لێ ب ت ئاوا داخوازا ئامادەبوونا جڤینێ ژ ت پارتیێن رۆژهلاتێ کوردستانێ و پارتیێن رۆژئاڤا و باکورێ کوردستانێ یێن نە ب پەکەکێ رە نەکربوو.
