پارتیا كاركه‌رێن كوردستانێ، ناسنامه‌یا 3 جوانێن دن راگهاند كو ئه‌و ژی وه‌كه ب هه‌زاران جوانێن دن یێن كوردان د به‌رخوه‌دانا خوه یا ساخته ده ل باشوورێ كوردستانێ دانه كوشتن.
هه‌په‌گێ باسكێ له‌شكری یێ په‌كه‌كێ، ژ 23 ڤێ مه‌هێ ڤه، ناسنامه‌یا 3 چه‌كدارێن خوه ئه‌شكه‌ره كر، یێك ژێ ل 13 ته‌باخا ئیسال 2022 ل خاكوركێ و یێن دن ل 30 گولانا سالا رابووری 2021 هه‌ر ل باشوورێ كوردستانێ، ب ده‌ستێ ئارتێشا ده‌وله‌تا ترك دانه كوشتن.
هه‌په‌گێ مرنا ڤان سێ جوانان ژی وه‌كو ب هه‌زاران جوانێن دن ساله‌ك و شه‌ش مه‌هن ڤه‌شارتی هشتبوو و ژ نوو ڤه هاتیه و گۆتیه مه هه‌ڤالێن خوه وه‌ندا كرنه و هه‌ر وها دبێژه: «ئه‌و لاییقی ئاپۆ ده‌ركه‌تن»!
رێخستنا په‌كه‌كێ هه‌ر رۆژ وێنه‌یێن كۆمێن جوان، زارۆك و كه‌چێن كوردان د مه‌دیایا خوه ده پارڤه‌دكه یێن كو د سال و مه‌هێن ده‌رباسبوویی ده هاتنه كوشتن و پاش ده‌رباسبوونا ده‌مه‌ك درێژ ژ نوو ڤه تێ و مرنا وان ئیفشا دكه.
تێ ته‌خمین كرن ب هه‌زار جوانێن كوردان مابن یێن كو رێخستنا په‌كه‌كێ هه‌یا رۆژا مه یا ئیرۆ مرنا وان ڤه‌شارتی هشتییه.
