قاسم شەشۆ: ترکیە دێ ئێریشا بەژایی ل سەر شنگالێ ژی بکە

qasim-shasho-sjimgal-sijar-turkey

خەلکێ شنگالێ ژ ئامادەکاریێن ترکیێ یێن ژ بۆ ئێریشا بەژایی یا ل سەر رۆژئاڤایێ کوردستانێ دترسن و دبێژن پشتی رۆژئاڤا ئێریشا بەژایی یا ترکیێ ل سەر شنگالێ دێ دەستپێ کت و جارەکە دن ئێزدی دبن قوربانی.

کەسایەتیێ ئێزدی و فەرماندارێ پێشمەرگە ل شنگالێ قاسم شەشۆ ژ باس نیوسێ رە راگەھاند: “پشتی ترکیێ ئێریشا بەژایی ل سەر رۆژئاڤایێ کوردستانێ دەستپێ بکە، ئەگەر ھەیە پشترە ژی ژ بەر ھەبوونا گرۆپێن نەیاسایی ئێریشا بەژایی ل سەر شنگالێ ژی بکە.”

قاسم شەشۆ گۆت: “نھا ل باب شلو یا شنگالێ گرۆپێن نەیاسایی ئامادەکاریێن بن ئەرد یێن شەری دکن، ب تایبەت ئەگەر ترکیێ ئێریشا بەژایی ل سەر رۆژئاڤایێ کوردستانێ دەستپێ بکە، تێ زانین پشتی رۆژئاڤا ژی ترکیە دێ ئێریشا بەژایی ل سەر شنگالێ بکە. ئەم ھێڤیدارن بەری کو ترکیە ئێریشا بەژایی ب بەھانەیا ھەبوونا گرۆپێن نەیاسایی ڤە ل سەر شنگالێ بکە، ئەو گرۆپ شنگالێ ڤالا بکن، کو جوانێن ئێزدی نەیێن کوشتن.”

ھەروھا گۆت: “ئەگەر ئێریش ل سەر شنگالێ بێ کرن، گرۆپێن نەیاسایی جوانێن ئێزدی و ئەو خەلکێ کو ڤەگەریایە شنگالێ دێ بکن مەرتال و ئەو ژی دبە مەترسی ل سەر ژیانا خەلکێ و د ئەنجامێ دە ئێزدی دبن قوربانی.”

پوستێن ھەمان بەش