سەردۆزگەرێ کۆمارییێ ئەنقەرێ ب ئیدیعایا ئەندامه‌تیا په‌كه‌كێ، بریارا دەستەسەرکرنا 50 ژنان دایە و 22 ژن ل ئامه‌دێ هاتنە دەستەسەر کرن.
ب داخوازا سەردۆزگەرێ کۆمارییێ ئەنقەرێ، ئیرۆ ل 14 باژاران بریارا دەستەسەرکرنا 50 ژنان هاتیە دایین و 22 ژن ل ئامه‌دێ هاتنە دەستەسەرکرن، سەردۆزگەرێ داخویاندییە کو ئۆپەراسیۆن ب ئیدیعایا ئەندامه‌تیا په‌كه‌كێ و ل هەمبەر رێخستنبوونا ژنان هاتیە کرن.
د ئۆپەراسیۆنێن کو ئیرۆ ل مالێن 50 ژنان هاتنە کرن دە، 22 ژنێن کو ناڤێ وان د لێپرسینێ دە دەرباس دبە، هاتنە دەسته‌سەرکرن و ژ بەر کو لێپرسین ل ئەنقەرێ هاتیە ڤەکرن، تێ چاڤەرێکرن کو ژنێن دەستەسەرکری ژ بۆ ئەنقەرێ بێن ڤەگوهاستن.
دۆزگەرێ لێپرسینێ راگهاندییە کو ژ بۆ دەستەسەرکرنا ژنێن دن کو ناڤێ وان د لێپرسینێ دە دەرباس دبە ژی لێگەرین بەردەوام دکە.
