ئیستخباراتا ده‌وله‌تا ترك، دربه‌كه مه‌زن ل په‌كه‌كێ خست و یێك ژ رێڤه‌برێن رێخستنێ یێن ئیستخباراتێ ب ئۆپەراسیۆنەکێ کو ل شەنگالێ هات ئه‌نجام دایین، كوشتن.
ئیرۆ رۆژا چارشه‌می 30/11/2022 هات راگهاندن كو بالافرێن كه‌شفێ یێن ده‌وله‌تا ترك، ئۆتۆمۆبیله‌كه په‌كه‌كێ ل شه‌نگالێ هه‌ده‌ف كر و به‌رپرسا ئیستخباراتا رێخستنێ یا شه‌نگالێ یا ب ناڤێ فاتما ئونۆر و ب كۆدناڤێ كندا مه‌ره‌ش تێ ده كوشتن.
فاتما ئۆنور یا کو د ناڤ ئیستخباراتا په‌كه‌كێ ده یە و خەباتێن جوربەجۆر دمەشینە، كه‌تبوو د لیستەیا هەدەفێ یا میتێ ده، ب تایبەتی ل هەرێما سلێمانیێ و گوندەوارێن وێ.
ل گۆری ئاگاهیێن ده‌ستێ مه، فاتما ئۆنور د چارچۆڤەیا ئه‌ركه‌كا ڤەشارتی ده ژ قەندیلێ بۆ شەنگالێ هاتبوو شاندن و ژ بۆ شۆپاندنا خەباتێن ئیستیخباراتێ یێن ل شەنگالێ ئه‌ركا بەرپرسیاریێ وه‌رگرتبوو.
فاتما ئۆنور د سالێن 1990ی دە ژ ئینگلیستانێ تەڤلی رێخستنا په‌كه‌كێ بوو، ب سالانه د باسکێ چەکداری یێ رێخستنێ دا وەزیفە کر، ئۆنورێ د سالا 2016ان دە د ناڤا NLP یێ ده ئانگۆ ئیستیخباراتا رێخستنێ ئانین ئاستا بەرپرسیاریێ، وێ ل سەر ئیستیخباراتێ پەروەردە ددا ئەندامێن رێخستنێ.
