هه‌سه‌دێ ئامارێن ئێریشا ده‌وله‌تا ترك راگهاندن

hsd-qsd-rojava-turkey

هێزێن سووریایا ده‌مۆكراتیك بیلانچۆیا 48 ساعه‌تێن ده‌رباسبوویی یێن ئێریشێن ده‌وله‌تا ترك یێن ل سه‌ر رۆژئاڤا كوردستانێ راگهاندن و ل گۆری وێ، هه‌رێمێن فراتێ، عه‌فرینێ و جزیرێ ل ڤان دو رۆژان هاتنه‌ تۆپباران كرن.

هه‌سه‌دێ ئیرۆ رۆژا پێنجشه‌می 1/12/2022 بیلانچۆیا رۆژێن 29 و 30 مژدارێ یێن ئێریشێن ده‌وله‌تا ترك یێن ل سه‌ر رۆژئاڤا كوردستانێ راگهاندن و ل گۆری وێ، ل هه‌رێما جزیرێ تل ته‌مرێ، ل هه‌رێما فراتێ كۆبانی، گرێ سپی و عه‌ین عیسا و منبجێ هاتنه‌ تۆپباران كرن، هه‌روه‌ها ل گوندێن هه‌رێما عه‌فرینێ.

هه‌سه‌دێ دا زانین کو د ئێرشان دە شەرڤانەکی وان ژیانا خوه‌ ژ ده‌ست دایه‌ و شەرڤانەک ژی بریندار بوویە.

ئێرشێن دەولەتا ترک ل سەر رۆژئاڤا كوردستانێ، کەتن رۆژا خوە یا 12ان، ته‌ڤی ئێریشێن ئاسمانی تركیێ گه‌ف خوارنه‌ كو ئه‌وێ ئێریشا به‌ژاهی ژی ده‌ست پێ بكه‌.

پوستێن ھەمان بەش