سازیا نەفت و پەترۆل یا ترکیێ ل باژارێ شرنەخا باکورێ کوردستانێ د ناڤبەرا چیایێن جودی و گابار دا پشتی لێگەرینێن پەترۆلێ ھات راگەھاندن کو رێژەیەکا زێدە یا پەترۆلێ ھاتیە دیتن و تێ گۆتن کو ڤێ گاڤێ یەدەگێ 150 ملیۆن بەرمیلی ھاتیە دەستنیشان کرن.
ل گۆر چاپەمەنیا ترکیێ و نڤیسکارێ رۆژنامەیا سەباح یا ترکیێ یاڤوز دۆنات ژی راگەھاندیە، دو بەرامبەر یەدەگێ کو نھا ل ترکیێ ھەیی پەترۆل ل ھەرێما گابارا شرنەخێ ھاتیە دیتن و ل گۆر دۆنات دبێژە دێ سەرۆککۆمارێ ترکیێ رەجەب تەییب ئەردۆگان بخوە ڤێ دەربارێ دە مزگینیێ بدە و داخویانیەکی ڤێ دەربارێ دە بدە.
ل گۆر ھەمان نڤیسکارێ رۆژنامەیا سەباح ل سەر رێیا چیایێ گابارێ، ل گوندێ ئاکچای یا سەر ب قەسرکێ نێزیکی چیایێ جودی پەترۆل ھاتیە دیتن.
سازیا پەترۆلا ترکیێ بەری 3 سالان دەست ب لێکۆلینێن پەترۆلێ ل چیایێ جودی یا شرنەخێ دابوو دەستپێ کرن و پەترۆل ل وێ ھەرێمێ دیتبوو. ھات راگەھاندن کو دویەم کەشفا دیرۆکا کۆمارا ترکیێ دە ل ھەر بیرەکa کو تێ ڤەدان دە پەترۆل دفوورە. ھات راگەھاندن ھەتا نھا یەدەگێ 150 ملیۆن بەرمیلی ھاتنە ڤەکرن و دێ بەردەوام بکە.
ھەروھا ل گۆر چاپەمەنیا ترکیێ یەدەگی ھەری ب کوالتی یێن جیھانێ ل شرنەخێ ھاتنە دیتن و 4 بیر نھا ھاتنە ڤەکرن و 6 وەساییت ژی ژ بۆ بیرێن نوو ڤەبکن کار دکن. د بیرێن کو ھاتنە ڤەکرن دە 1300 ھەتا 1500 بەرمیلێن پەترۆلێ تێن دەرخستن و دەمەکی کورت دە دێ رۆژانە بگەھە 20 ھەزار بەرمیلان و ئەڤ رێژە دو بەرامبەر یەدەگێ کو نھا ل ترکیێ ھەیی یە.
