باسکێ چەکداری یێ پژاکێ، یەکینەیێن رۆژهلاتێ کوردستانێ (یه‌ره‌كێ) راگهاند، گەریلایەکی وان ل چیایێ ئاسۆسێ ل پارێزگەها سلێمانیێ یا باشوورێ کوردستانێ د ئەنجاما ئێریشەکە ئەسمانی یا ترکیێ دە جانێ خوە ژ دەست دایە، ئه‌ڤ گه‌ریلا وه‌كه رێخستنێ وێنه‌یێن وی پارڤه‌كرین هێژان د ته‌مه‌نا زارۆكتیێ ده یه.
یه‌ره‌كێ ئیرۆ رۆژا دوشه‌می 5/12/2022ێ ناسنامەیا چه‌كداره‌كێ خوه یێ زارۆك ئاشکەرە کر کو ل چیایێ ئاسۆس ل سینۆرێ پارێزگەها سلێمانیێ كه‌تیه به‌ر ئێریشه‌كه بالافرێن ده‌وله‌تا ترك و جانێ خوە ژ دەست دایە.
یه‌ره‌كێ دیار كر، ناڤێ گەریلایێ وان سیپان سلێمان حەسەن و ناسناڤێ وی “سه‌رحه‌د رۆژئاڤا”یە و د ئەنجاما ئێرشەکە ئەسمانی یا ترکیێ دە هاتیە کوشتن.
د داخویانیەکێ دە تێ گۆتن، کو ئەو گەریلایێ وان خەلکێ رۆژئاڤایێ کوردستانێ یە و سالا 2019ان ل سینۆرێ پارێزگەها سلێمانیێ تەڤلی رەفێن پژاکێ بوویە.
