وەزارەتا به‌رگریێ یا ترکیێ راگهاند، ل هەرێما ئۆپەراسیۆنا “پەنچە-کلید” یا ل ناڤ ئاخا هەرێما کوردستانێ، ئەفسەرەکی وان یێ کۆماندۆ هاتیە کوشتن.
د داخویانیا وەزارەتا به‌رگریێ یا ترکیێ دە هات ئەشکەرە کرن، دوهـ رۆژا دوشەمێ 5ێ کانوونا 2022ێ ل هەرێما ئۆپەراسیۆنا “پەنچە-کلید” یا ل ناڤ ئاخا هەرێما کوردستانێ، د ئەنجاما تەقینا مایینەکە ڤەدایی دە ئەفسەرەکی وان یێ کۆماندۆ ب ناڤێ «مەهمەت دومان» هاتیە کوشتن.
ئارتێشا ترکیێ ژ رۆژا 17ێ نیسانا 2022ێ ڤە ل ناڤچەیێن زاپ، ئاڤاشین و مەتینا یێن ل ناڤ ئاخا هەرێما کوردستانێ ل دژی رێخستنا په‌كه‌كێ دەست ب ئۆپەراسیۆنا ب ناڤێ “پەنچە-کلید” کری یە و ئۆپەراسیۆن هەتا نها بەردەوامە.
