رێخستنا په‌كه‌كێ ناسنامه‌یا سێ كه‌چ و خۆره‌ته‌كی دن یێن كورد ئه‌شكه‌ره كر كو ل مه‌ها رابووری ل زاپێ كه‌تنه به‌ر ئێریشێن ده‌وله‌تا ترك، په‌كه‌كێ د په‌سنێ وان ده گۆتیه: «4 فه‌دایێن میناك یێن ئاپۆ»!.
هه‌په‌گێ باسكێ له‌شكه‌ری یێ په‌كه‌كێ ناسنامه‌یا 4 چه‌كدارێن خوه ئه‌شكه‌ره كر كو ل 25 مژدارا ئیسال 2022ێ ل ده‌ڤه‌را زاپێ یا باشوورێ كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ناڤێ وان وسانه:
ڤه‌سلی ئارڤیش، نووپه‌لدا پۆلات، عومه‌ر ئاچان و هاڤا ئالكان كو ژ باژێرێ بازید، ئامه‌د و چه‌ولیگێ یێن باكورێ كوردستانێ نه.
هه‌په‌گێ د په‌سنێ ڤان جوانان ده گۆتییه: «ئه‌و ملیتانێن هێژا یێن ئاپۆ بوون، ئه‌و فه‌دایێن ئاپۆ بوون، وان ژ زارۆكتیا خوه ئاپۆ و فه‌لسه‌فا ئاپۆ ناسكربوو»!.
په‌كه‌كه هه‌ر رۆژ وێنه‌یێن كۆمێن زارۆك و جوانێن كوردان د مه‌دیایا خوه ده پارڤه‌دكه، ئه‌و جوانێن كو د به‌رخوه‌دانا خوه یا ساخته ده به‌رێ وان دده مرنێ، په‌كه‌كه زارۆكێن كوردان د ره‌ڤینه و ب ده‌ستێ ئارتێشا ده‌وله‌تا داگیركه‌ر دده كوشتن و پشتره تێ و دبێژه: ئه‌و لایقی ئاپۆ ده‌ركه‌تن!.
