ئارتێشا ترکیێ و چەکدارێن ئۆپۆزسیۆنا سووریێ یێن گرێدایی ئەنقەرێ هەردو گوندێن جێشان و گولتەپە یێن دکەڤن رۆژهلاتێ باژارێ کۆبانێ ل رۆژئاڤایێ کوردستانێ تۆپباران دکن.
ل گۆر چاڤکانیێن خوەجهێ، ئێڤارا ئیرۆ سێشەمێ 6/12/2022، هێزێن ئارتێشا ترکیێ هەردو گوندێن جێشان و گولتەپێ ل هەرێما رۆژهلاتێ کۆبانیێ یا رۆژئاڤا كوردستانێ تۆپباران كرن، لێبه‌لێ هەتا نها ژی، نەهاتیە زانین، زیانێن وێ تۆپبارانێ ل سەر هەردو گوندان چنە.
ئه‌ڤ ئێریش هه‌موه‌ختا داخویانییا ئیرۆ یا سه‌رۆككۆمارێ تركیێ ره‌جه‌پ تاییپ ئاردۆگان تێ كو گۆتبوو كۆبانیێ قه‌دیا ئه‌مێ به‌رده‌وام ببن.
گوندەوارێن رۆژهلات و رۆژئاڤایێ کۆبانی ب ئاوایه‌كی رۆژانه ژ ئالیێ هێزێن ترکیێ ڤە تێنە ئارمانجکرن، ب تایبەتی بنکەیێن لەشکەری یێن هێزێن سووریا دەمۆکراتیک (هه‌سه‌دێ) و هێزێن ئارتێشا سووریێ.
