کۆنسەیا ئەورۆپایێ جارەکا دن داخوازا ئازادکرنا دەمیرتاش کر

کۆمیتەیا وەزیران یا کۆنسەیا ئەورۆپایێ جارەکا دن داخوازا ئازادکرنا سەلاحەدین دەمیرتاش دکە.

کۆمیتەیا وەزیران یا کۆنسەیا ئەورۆپایێ د 6ێ، 7ێ و 8ێ بەرفانبارێ دا جڤیا و د وێ جڤینێ دا جارەکە دن بانگ ل حکوومەتا ترکیێ کر کو ھەڤسەرۆکێ بەرێ یێ ھەدەپێ سەلاحەدین دەمیرتاش ئازاد بکە.

دەمیرتاش ژ سالا 2016ێ ڤە ل گرتیخانەیا ئەدیرنەیێ زندانییە. دادگەھا مافێ مرۆڤان یا ئەورۆپایێ د سالا 2020ێ دا بریارا ئازادکرنا وی دابوو.

سەرۆککۆمارێ ترکیێ رەجەب تەییب ئەردۆگان ل دژی بریارێ دەرکەتبوو و گۆتبوو ئەو پابەندی وێ بریارێ نابن.