ل دیاربەکرێ ئالۆزی د ناڤبەرا ئالیگرێن هەدەپێ و ھێزێن ئەولەھیێ دا دەرکەت، د ئەنجامێ دا 2 گەنج ژ ئالیێ ھێزێن ئەولەھیێ ڤە ھاتن بنچاڤکرن.
ئیرۆ ھەدەپێ و ھەڤگرتیێن وێ خواستن ل دیاربەکرێ بمەشن، لێ ھێزێن ئەولەکاریێ دبێژن ھەموو جوورە چالاکی ھاتنە قەدەغەکرن و رێ ل بەر مەشێ گرتن و د ئەنجامێ دا ئالۆزی دەرکەت و ھێزێن ئەولەھیێ دو گەنج بنچاڤ کرن.
ئەڤە پشتی وێ دهێت کو دوھی پارتیا دەمۆکراتیکا گەلان (ھەدەپێ) و پارتی و رێخستنێن ھەڤگرتیێن ھەدەپێ بانگ ل وەلاتیێن دیاربەکر کرن ژ بۆ کو لگەل رێبەرێ پەکەکێ عەبدوللا ئۆجالان ھەڤدیتن دەست پێ بکن، دێ ئیرۆ بمەشن.
ھەر د وێ دەربارێ دا ژی، پارێزگاریا دیاربەکرێ ب داخویانیەکێ ھەموو چالاکی و مەش ژ دەمژمێر 00:00 یا رۆژا 11/12/2022یێ ھەتا 23:59ێ 11/12/2022ێ قەدەغە کرن.
