نڤیسکار، لێکۆلینەر و بەرھەڤکارێ کورد مونزور چەم ئیرۆ رۆژا یەکشەمێ 11/12/2022 ژ بەر نەخوەشیێ کۆچا داوی کر.
لگۆر زانیاریان ژ بەر نەخوەشیا پێنجەشێرێ نڤیسکار مونزور چەم ل باژارێ بەرلینێ کۆچا داوی کریە.
مونزور چەم ب ناڤێ خوەیێ دن «حوسەین بەیسوولەن» خەلکێ دێرسیمێیە بەشداری د ناڤا سیاسەتێ دکە و لگەل ھەڤرێیێن خوەیێن پارتیا سۆسیالیستا کوردستانێ (پەسەکێ) دەست ب بەلاڤکرنا کۆڤارا رێیا ئازادی/ ئۆزگورلوک یۆلو دکە. ژ بەر رەوشا سیاسی و نەچار دبە بچە دەرڤەیی وەلات.
ل دەرڤەیی وەلات ژبۆ پێشکەتنا ئەدەبیات و زمانێ کورد و رۆنیکرنا دیرۆکا گەلێ کورد کار و خەبات کریە. ب تایبەتی ژی دەربارێ زمانێ کوردی؛ کورمانجی و زازاکی بەرھەمێن گرانبھا نڤیسینە. ب ھەزاران ماقالە، ھەڤپەیڤین و دەربارێ دیرۆک و فۆلکلۆرێ دە ب دەھان پرتووک نڤیسینە.
