گرووپێن چەکدار یێن ئۆپۆزیسیۆنا سووریێ یێن لگەل ئارتێشا ترکیێ ھەرێما عەفرینێ داگیر کرنە، 8 وەلاتیێن کورد رەڤاندن.
رێخستنا مافێن مرۆڤان ل عەفرینێ د راپۆرتەکێ دا بەلاڤا کر، چەکدارێن گرووپا “پۆلیسێن سڤیل” رۆژا 10ێ بەرفانبارا 2022یێ 8 وەلاتی ل ناڤەندا ناحیا راجۆ رەڤاندن.
ناڤێن کەسێن ھاتنە رەڤاندن: مەسعوود ئەحمەد عۆسمان، عەبدۆ ئەحمەد عۆسمان، عەبدۆ محەمەد عۆسمان، زەکەریا خەلیل شێخۆ، عەلی خەلیل شێخۆ، ئدریس ئەحمەد شێخۆ، موراد ئەحمەد سلێمان و حەنان فارووق جافەر.
رێخستنا مافێن مرۆڤان راگھاند ژی، چەکدارێن گرووپا سولتان موراد رۆژا 10 بەرفانبارێ 60 دارێن زەیتوونێ یێن گوندێ کەفەر جەنێ برین، تا کو وەک ئێزنگ بفرۆشن.
ھەر وھا بەلاڤ کر ژی، دۆرا 15 چەکداران ب سەر مالا وەلاتیەکی گوندێ دێر سوانێ دا گرتن و زێر، پارە و کەلوپەلێن مالێ دزین و ل کورێ خوەدیێ مالێ دان.
ھەرێما عەفرینێ ژ ئادارا 2018ێ ڤە ژ ئالیێ ئارتێشا ترکیێ و گرووپێن چەکدار یێن سەر ب وێ ڤە ھاتیە داگیرکرن و ژ بلی دەستدانینا سەر مال و ملکێ خەلکێ، برین و شەوتاندنا داران، دزینا جھێن شوونواران، ب ھەزاران کوردێن عەفرینێ ھاتنە رەڤاندن و ھەتا نھا چارەنڤیسا ھەژمارەکە مەزن ژ وان نایێ زانین.
