جەزایا بدارڤەکرنێ ب سەر 6 گرتیێن خوەپێشاندانێن باژارێ شنۆیێ یێ رۆژهلاتێ کوردستانێ دە هات سەپاندن.
ل گۆری زانیاریێن ژ باژارێ شنۆیێ، ئەو 6 وەلاتی د دەما خوەپێشاندانێن باژارێ شنۆیێ دە هاتنە دەستەسەرکرن، دادگەها شۆره‌شێ یا ئورمیێ جەزایا بدارڤەکرنێ ب سەر وان دە سەپاندیە.
هەر یەک ژ، فەرهاد تەهازادە، فەرزاد تەهازادە، کاروان شاهی پەروانە، هەژار حەمیدی، شەهرام مەعرووفی مەولا و رزا ئیسلامدۆست ل حەفتیا دەرباسبوویی هاتنە دارزاندن.
دو ژ وان برایێن هەڤن، فەرهاد و فەرزاد تەهازادە.
ل گۆری ئامارەکێ کو سازیێن حکوومی و ئەمنی ل شنۆیێ ئامادە کرنە، د دەربارێ خوەپێشاندانان دە، ژ دەستپێکا خوەپێشاندانان ڤە ل شنۆیێ هەزار و 8 کەس هاتنە دەستەسەرکرن و برینداربوونا 276 کەسان ژی ل شنۆیێ هاتیە تۆمارکرن.
