ئیرۆ رۆژا ئالا کوردستانێ یە

ئیرۆ 17ێ كانوونا یه‌كه‌م، رۆژا ئالا کوردستانێ یە و ل سازیێن فەرمی یێن هەرێما کوردستانێ و وەلاتیێن کوردستانێ، ڤێ رۆژێ پیرۆز دکن.

ب بۆنەیا رۆژا ئالا کوردستانێ، وەزارەتا پەروەردەهیێ یا هەرێما کوردستانێ ل دبستانان چەند چالاکیێن پیرۆزکرنا رۆژا ئالا کوردستانێ ل دار دخن.

رۆژا ئالا کوردستانێ ب جۆشەکە مەزن ل سازی و دبستانێن گشتی یێن هەولێر، سلێمانی، دهۆک و هەلەبجە و گوند و باژارۆکێن گرێدایی وان تێ پیرۆزکرن.

ئالا کوردستانێ کو 17/12/1945ێ ل سەر ئاڤاهیا حکوومەتا کۆمارا کوردستانێ ل مەهابادێ هاتبوو بلندکرن، ژ وێ رۆژێ ڤە ژی وەک سەمبۆلا نەتەوی ژ ئالیێ هەموو کوردان ڤە تێ پیرۆزکرن.

پارلامەنتۆیا کوردستانێ ژی د سالا 2009ێ بریار دا، ئێدی هەر سال رۆژا 17ێ بەرفانبەرێ وەک «رۆژا ئالا کوردستانێ» وەرە پیرۆز کرن. ژ وێ دەمێ ڤە هەتا نها نەتەنێ ل باشوورێ کوردستانێ، لێ بەلێ ل سەرانسەری هەر چار پەرچەیێن کوردستانێ و ل جیهانێ ئەڤ رۆژ ژ ئالیێ کوردان ڤە تێ پیرۆزکرن.

واتەیێن سەمبۆل و رەنگێن ئالا کوردستانێ:

رەنگێ سۆر: شۆرەش، خوینرژاندنا د شەر دە، وێرەکی، هێز، وەکهەڤی.

رەنگێ زەر: رۆناهی، مۆرال، ئاگر.

رەنگێ سپی: ئاشتی، ئارامی، ئاگربەست.

رەنگێ کەسک: کەسکاهی، وەلات، پاراستن.