رێخستنا په‌كه‌كێ ژ ده‌ست دانا فه‌رمانداره‌كی خوه یێ پله‌بلند ب ناڤێ بیلال كاراكوش راگهاند كو 5 مه‌هان به‌رێ ل باشوورێ كوردستانێ هاتیه كوشتن و ژ نووڤه مرنا وی ئیفشا كر.
هپگێ باسکێ لەشکەری یێ په‌كه‌كێ دوهـ رۆژا ئینی 16/12/2022 راگهاند كو فه‌رماندارێ وێ یێ پله‌بلند ب ناڤێ بیلال كاراكوش و كۆدناڤێ عه‌لی حه‌یده‌ر دێرسم، ل 17 تیرمه‌ها ئیسال 2022ێ ل چیایێن هه‌رێما كوردستانێ ژیانا خوه ژ ده‌ست دا یه.
هه‌په‌گێ مرنا ڤی فه‌رماندارێ خوه ژی وه‌كه ته‌ڤ رێهه‌ڤالێن وی ڤه‌شارتی هشتبوو و پاش ده‌رباسبوونا 5 مه‌هان ژ نوو ڤه ئیلان كر.
هات دیارکرن کو بیلال کاراکوش ب ناسناڤ “عەلی حەیدەر دێرسم” د سالا 1993ان دە ژ دێرسمێ تەڤلی په‌كه‌كێ بوویە، د ناڤبەرا سالێن 1993-98ان دە ل دێرسم و ئەرزرۆمێ، د ناڤبەرا 1998-2001ان دە ل هەرێما بەحرا رەش و د سالا 2003ان دە ئامەدێ مایە.
بیلال کاراکوش ژ سالا 2009 ل هەرێما کوردستانێ ب تایبەتی هەرێما قەندیلێ ل جهێن جودا کار کریە.
هات دیارکرن کو بیلال کاراکوش د 17ێ تیرمەها 2022ان دە ل چیایێن هەرێما کوردستانێ جانێ خوە ژ دەست دایە لێ بەلێ د داخویانیێ دە ئاگاهیێن ل سەر سەدەما جاندانا کاراکوش نەهات دیارکرن.
