دەمیرتاش: گەلێ کورد زلەها ل فەرھاد ئەنجوویی ھاتیە دان ژ بیر ناکە

پۆلیسەکی شەق ل ھەڤسەرۆکێ شاخا ستەنبۆلێ یێ ھەدەپێ فەرھاد ئەنجوو دا. کامێرامانێ کو دیمەن دکشاندن ھات بنچاڤکرن.

خزمێن گرتیێن نەخوەش و ئەوێن دەما رازانا وان یا د زیندانێ دا ھاتیە بەتالکرن، ل ستەنبۆلێ ناڤچەیا کادیکۆیێ جڤیان.

د چالاکیا نۆبەداریێ دا، پۆلیسەکی شەق ل ھەڤسەرۆکێ شاخا ستەنبۆلێ و پارلامەنتەرێ بەرێ یێ ھەدەپێ فەرھاد ئەنجوو دا. ھەر وھا کامێرامانێ کانالا ئارتی تیڤی محەمەد زەکی ھات بنچاڤکرن و پەیامنێرێ ھەمان کانالێ ئوموت تاشداگ ژی لێدان خوار.

پشتی ڤێ بوویەرێ ھەڤسەرۆکێ بەرێ یێ ھەدەپێ یێ زیندانکری سەلاحەدین دەمیرتاش نەرازیبوون ل دژی لێدانا ھەڤسەرۆکێ ستەنبۆلێ یێ ھەدەپەیێ فەرھاد ئەنجوویی نیشان دا و گۆت، گەلێ کورد وێ شەقێ ژ بیر ناکە.

دەمیرتاشی د دەرحەقێ ئێریشا ل دژی ھەڤسەرۆکێ ستەنبۆلێ یێ ھەدەپەیێ فەرھاد ئەنجوویی دا ب رێیا تویتەرا خوە پەیامەک بەلاڤ کر و گۆت: “گەلێ کورد شەقا کو ل فەرھاد ئەنجوویی ھاتیە دان ب پشتراستی ڤە ژ بیر ناکە. وە شەق نەدیتیە. چاڤەرێی سندۆقان بن، ئەم دێ نیشانی وە دەین.”