رێخستنا په‌كه‌كێ ناسنامه‌یا كۆمه‌كه دن یا جوانان ئه‌شكه‌ره كر كو 10 رۆژا به‌رێ ل چیایێ مه‌تینی دانه كوشتن، یێك ژێ كه‌چه‌كه ب ناڤێ ئارین كو هێژان د ته‌مه‌نا زارۆكتییا خوه ده یه.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا دوشه‌می ناسنامه‌یا 3 چه‌كدارێن خوه ئه‌شكه‌ره كر كو ل ل 10 كانوونا ئیسال 2022 ل چیایێ مه‌تینایێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دانه، یێك ژێ كه‌چه‌كه رۆژئاڤا كوردستانێ یه كو رێخستنێ ل سالا 2013ێ ره‌ڤاندبوو.
ئارین وه‌كه د وێنه‌ی ده دیار هێژان د ته‌مه‌نا زارۆكتیێ ده یه، هه‌ما بێژه 15 یان 16 سالی یه، د ڤیدیۆیه‌كه وێ ده كو ئاژانسا په‌كه‌كێ ئانفێ پارڤه‌كری یه، ئارین ب ده‌ڤێ خوه دبێژه ئه‌ز ل سالا 2013ێ ته‌ڤلی بوو، واته په‌كه‌كێ ئه‌و د 7 سالیا وێ ده ره‌ڤاندبوو.
په‌كه‌كه ژ بۆی چێكرنا شه‌رڤانان پشتبه‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئارین یێك ژوان زارۆكان بوو یێن كو په‌كه‌كێ ئه‌و ژ بۆی كوشتنێ ره‌ڤاندی، په‌كه‌كه زارۆكێن كوردان وه‌كه سۆته‌مه‌نییا شه‌رێ خوه یێ ساخته ب كار تینه، وان د ره‌ڤینه و به‌رێ وان دده مرنێ، پشتره تێ و ب رووقایمی دبێژه ئه‌و هێژایی ئاپۆ ده‌ركه‌تن!!.
