ھولوسی ئاکار: دڤێت ئامەریکا پێوەندیێن خوە لگەل یەپەگێ قوت بکە

وەزیرێ بەرەڤانیێ یێ ترکیێ ھولوسی ئاکار راگھاند، دڤێت ئامەریکا پێوەندیێن خوە لگەل ھێزێن پاراستنا گەل (یەپەگێ) قوت بکە.

وەزیرێ بەرەڤانیا ترکیێ ھولوسی ئاکار ئیرۆ رۆژا سێشەمێ ژ بۆ ئاژانسەکا مەدیایی یا ئیتالیایێ راگھاند، ھێزێن پاراستنا گەل (یەپەگە) ئەولەھیا ترکیێ دکن ئارمانج.

ھولوسی ئاکار بانگ ل ئامەریکا کر کو تێکلیێن خوەیێن لگەل یەپەگێ قوت بکە و لگەل ترکیەیێ ھەڤکاریێ بکە.

ترکیا ھەول ددە ئۆپەراسیۆنەکا لەشکەری ل رۆژئاڤایێ سووریێ بکە، لێ ئامەریکا ب توندی ل دژی ھەر ئۆپەراسیۆنەکێ یە.

سەرۆک ئەرکانیێ د داخویانیەکێ دا راگھاند، سەرۆککۆمارێ ترکیێ رەجەب تەییب ئەردۆگان بانگ ل سەرۆکێ رووسیایێ ڤلادیمیر پووتین کر کو ب تەلەفۆنێ پێوەندیێ پێک بینن.

ل گۆر داخویانیا سەرۆککۆماریا ترکیێ، ئەردۆگان گۆتیە پووتین، دڤێت یەپەگە ھەتا 30 کیلۆمەتران ژ سینۆرێن ترکیێ بهێت دەرخستن.

ئەردۆگان رۆژا شەمبیێ 3یێ کانوونا 2022یێ راگھاندبوو کو دێ ل سەر سینۆرێ باشوورێ ترکیێ خەتەکا ئەولەھیێ هێت کشاندن.

د بەردەوامیێ دا ئاکار گۆت کو ئارتێش دێ خەتا ئەولەھیێ یا 30 کیلۆمەتران ل سەر سینۆرێ باشوورێ ترکیێ تەمام بکە و پاشڤە ناچیت.