پشتی ئێریشا بۆمبەیی یا ل دژی ترومبێلا پۆلیسان یا سەر رێیا مێردینێ روو دابوو، ژ 20 کەسێن ھاتنە بنچاڤکرن، 4 کەس ھاتن گرتن.
د 16ێ بەرفانبارێ دا ل دیاربەکرێ سەر رێیا مێردینێ دەما دەرباسبوونا ترومبێلا زرخی یا پۆلیسان ئۆتۆمۆبیلەکا بۆمبەکری ھات تەقاندن و د ئەنجامێ دا 8 ژێ پۆلیس 9 کەس بریندار بوون.
پشتی بوویەرێ د چارچۆڤەیا لێپرسینێ دا 21 کەس ھاتن بنچاڤکرن و پشتی وەرگرتنا ئیفادەیێ 20 کەس بۆ دادگەھێ ھاتن رێکرن.
ھات زانین کو ئیرۆ 20ێ بەرفانبارا 2022یێ، ژ وان 20 کەسان 4 کەس ھاتنە گرتن، 2 کەس ب مەرج ب تەڤاھی ژی 16 کەس ھاتنە بەردان و 1 کەس ژی هێژ د ئاڤاھیا ئاساییشا دیاربەکرێ دایە.
