ل تاخا شێخ مەقسوودا حەلەبێ، ھێزێن سووریا دەمۆکراتیک، هەسەدێ، زارۆکەکا کورد رەڤاند، ژ رۆژا رەڤاندنا وێ ڤە تا نھا چ زانیاریەک ل سەر وێ زارۆکێ بەر دەست نەکەتیە.
لاڤین منلە ئۆسمان، ژ بەریا 11 رۆژان ، واتە 9ێ بەرچلەیێ ڤە، ھاتیە رەڤاندن، تەمەنێ وێ ب تەنێ 14 سالن.
ل گۆر ئاگاهیان، لاڤین ژ ئالیێ جوانێن شۆرەشگەر یێن سەر ب هەسەدێ ڤە ھاتیە رەڤاندن، و زارۆک ژی خەلکا گوندێ کورزێلێ یێ ناڤچەیا شێراوایا ھەرێما عەفرینا رۆژئاڤایە، ژداییکبوویا 2008ێ یە.
تەڤی دەرباسبوونا 11 رۆژان ل سەر رەڤاندنا وێ را، لێ هێژ ژی چارەنڤیسا وێ نە دیارە.
د سالا 2019ێ دا مەزلووم کۆبانێ فەرماندارێ ھێزێن سووریا دەمۆکراتیک هەسەدێ لگەل ڤێرجنیا گامبا، نوونەرا نەتەوێن یەکگرتی یا کارووبارێن زارۆکان لھەڤتێگھشتنەک ئیمزا کربوو، تێ دا بریار ھات دان کو ئێدی زارۆکان و گەنجێن ژێر 18 سالی تەڤلی هەسەدێ نەکن، ھەروەھا زارۆکێن د ناڤا هەسەدێ دا سەربەست بەردن، لێ بەرووڤاژی ناڤەرۆکا لھەڤتێگھشتنێ تا نھا رەڤاندنا زارۆکان ژ ئالیێ جوانێن شۆرەشگەر ڤە بەردەوام دکە، ھەر دەم و دەمەکێ دا مەلووم کۆبانێ جڤینان لگەل وان ئەنجام ددە.
