رێخستنا په‌كه‌كێ ناسنامه‌یا فه‌رمانداره‌كا خوه ئه‌شكه‌ره كر كو 6 سالان به‌رێ ل باشوورێ كوردستانێ ژیانا خوه ژ ده‌ست دابوو و ژ نوو ڤه مرنا وێ راگهاند.
هه‌په‌گێ باسكێ له‌شكری یێ په‌كه‌كێ دوهـ رۆژا سێشه‌می 20\12\2022 د داخویانیه‌كێ ده راگهاند كو فه‌رماندارا وان یا یه‌ژا-ستارێ یا ب ناڤێ حه‌لیمه ئه‌ربه‌ی و كۆدناڤێ ئه‌كین ره‌شید د ئێریشه‌كه ئارتێشا تركیێ ده ل باشوورێ كوردستانێ ژیانا خوه ژ ده‌ست دا یه.
فه‌رماندارا په‌كه‌كێ حه‌لیمه ل گۆری ئاگاهیێن كو په‌كه‌كێ پارڤه‌كرین، ل سالا 2016 ژیانا خوه ژ ده‌ست دایه و رێخستنێ پاش ده‌رباسبوونا 6 سالان ژ نوو ڤه مرنا وێ راگهاند.
حه‌لیمه ئه‌ربه‌ی ل سالا 2001 ته‌ڤلی رێخستنا په‌كه‌كێ ببوو، ل سالا 2014 ژی ببوو یێك ژ فه‌رماندارێن یه‌ژا-ستارێ.
