ئۆجالان 7ێ شوباتا 2001ێ د ھەڤدیتنا خوە یا ل گەل پارێزەران وەها گۆتبو:
من تالابانی د سالا 1991ێ دا فەھمکر. دەستپێکا سییاسەتا وی یا ل ھەمبەر من ژی ڤەدگەرە وێ سەردەمێ.
ناڤەندا سیاسەتا تالەبانی ل لەندەنێیە. ئەو ھەڤکارێ ھێزێن ناڤنەتەوەیییە. ل ترکیایێ ژی پەیوەندیێن وی لگەل تانسوو چیلەرێ ھەنە. چما تالابانی لگەل ھاتنا خوە دەملدەست هەڤدیتنێ لگەل چیلەرێ دکە؟ دبێژە؛ “ل ترکیەیێ سیاسەتمەدارێ ئەز دعەجبینم چیلەرە.” دامەزرێنەرێ یەنەکێ ئارام تەسفیە کر. وی ب سەدان کەس ژ رێخستنا خوە کوشتن. ل دژی قاسملۆ پیلانەک چێکر و ب دەستێ ئیرانێ دا کوشتن. تالەبانی دخوازە باسکێ وەلاتپارێز تەسفیە بکە. دخوازە مە ژی تەسفیە بکە. ژ تەنگاسییێن خوە من ئەرکدار دبینە.
ئەز سەدەما قەدەغەیێن ل ڤر سەرمن چێدبن ب سەردانا تالابانی یا داوی یا ترکیایێ ڤە گرێ ددم. ھایا ترکیێ ژ ڤێ یەکێ نینە. تالابانی خوەدی ھێزەکا گرینگا ناڤدەولەتییە کو باندۆرێ ل ترکیەیێ ژی دکە. وی کێم نەبینن. دچە گەل سەدام و دبێژە “ئەز دکارم تە خلاس بکم”؛ دچە ئیرانێ و دبێژە “ئەگەر ھەوجە بکە ئەز دێ تێکلیا وە لگەل ئەمەریکایێ چێکم”؛ دبێژیتە ترکیێ ئەز دێ شەرێ پەکەکێ بکم. لگەل پەکەکێ ژی ڤەشارتی تێکلیان داتینە و دبێژە “لگەل ترکیەیێ شەری بکن”. من تالابانی د سالا 1991ێ دا فەھمکر. دەستپێکا سییاسەتا وی یا ل ھەمبەر من ژی ڤەدگەرە وێ سەردەمێ. گەلێ مە زێدە فێم ناکە. من چەند جاران ھشیاری دا ھەڤال فەرھاد و جوومعا، لێ ھێ ژی فێم نەکرنە.
