پارتیا دەمۆکراتا کوردستانێ (پەدەکە) و یەکیتیا نشتمانییا کوردستانێ (یەنەکە) د چەند رۆژێن بۆری دا جڤیان و ل سەر چەند مژاران هەڤتێگەهشتنەکا باش د ناڤبەرا وان دا ھەیە.
ل گۆر زانیاریان، پەدەکە و یەنەکە جڤیانە و د جڤینان دا ل سەر چەند مژاران هەڤتێگەهشتنەکا باش ھەیە، ژ وان یا ھەری گرینگ، ھەر دو ئالیان ل سەر گوھەرینێن حکوومی، رزامەندی نیشان دانە.
بەریا نھا یەنەکێ داخواز کربوو کو وەزیرێ پێشمەرگە شۆرەش ئیسمایل بهێت گوھەرتن و ل شوونا وی، کەسەکی دن بهێت دانین.
پەدەکێ ژی پشتی ئەنجامدانا کۆنگرەیێ، گوھەرین د ئۆرگانێن پارتیێ دا کرن و بریارە گوھەرین د چەند پۆستێن حکوومی و پارلامەنتۆیێ دا بکن، وەکە پۆستێ جیگرێ سەرۆکێ پارلامەنتۆیێ و وەزارەتا ئەوقاف و کارووبارێن ئۆلی.
ئەنجامدانا ڤان گوھەرینان، پێویستی ب دەنگێ پرانیا پارلامەنتەران ھەیە و ل گۆر زانیاریان، جڤینێن پەدەکێ و یەنەکێ د رۆژێن بهێت دا دێ بەردەوام بن.
ئەڤ د دەمەکێ دایە کو ئیرۆ بەشەک ژ تیما وەزاری یا یەنەکێ بەشداری جڤینا ھەفتانە یا ئەنجوومەنا وەزیران بوو.
