پارێزەرەکی کوردێ عه‌فرینێ پشتی دو رۆژان ژ رەڤاندنا وی ژ ئالیێ گرووپێن چەکدارێن سەر ب ترکیێ ڤە، د بن ئەشکەنجەیێ دە هات کوشتن.
پارێزەر لوقمان حەمید حەنان کو بەری دو رۆژان ژ بەر سەدەمەکە نەدیار ژ ئالیێ گرووپێن چەکدارێن سەر ب ترکیێ ڤە هات رەڤاندن، ئیرۆ تەرمێ وی رادەستی مالباتا وی هاتە کرن.
پارێزەر لوقمان حەمید 45 سالی یە، ژ گوندێ دەلا یێ ناڤچەیا مابەتایێ یه و نەخوەشیەکە کرۆنیک هەیە، پارێزەر لوقمان پێر 20/12/2022ێ ژ ئالیێ گرووپەکە چەکدار ژ ناڤا مالا خوە یا تاخا مەحموودیێ یا عه‌فرینێ هاتبوو رەڤاندن.
پێشتر ژی د 25/7/2020ان پارێزەر لوقمان حەمید ژ ئالیێ چەکدارێن گرووپا پۆلیسا لەشکەری ڤە هاتبوو رەڤاندن و پشتی چەند رۆژان هاتبوو بەردان.
ل گۆر چالاکڤانێن عه‌فرینێ، ژ دەما داگیرکرنا عه‌فرینێ د 18ێ ئادارا 2018ێ دە ژ ئالیێ ئارتێشا ترکیێ و گرووپێن چەکدار ڤە، هەتا نها زێدەتر 50 وەلاتیێن کورد د بن ئەشکەنجەیا هۆڤانە یا چەکداران دە هاتنە کوشتن.
