ئارتێشا ترکیێ گوندێ شیۆخ ژۆرن یێ رۆژئاڤایێ باژارێ کۆبانێ تۆپباران کر و د ئەنجامێ دا 3 کەس بریندار بوون.
ل گۆر زانیاریان، ئارتێشا ترکیێ گوندێ شیۆخ ژۆرن تۆپباران کر و د ئەنجامێ دا 3 کارکەرێن وێستگەها ئاڤێ بریندار بوون.
دا زانین ژی، د ئەنجاما تۆپبارانێ دا ئۆتۆمۆبیلەکا کو د وەستگەھێ دا بوو ژی ھات شکاندن و زیانێن مادی ژی گھشتن وەستگەھێ.
ئارتێشا ترکیێ زێدەتر ژ مەھەکێ ڤەیە دەست ب ئێریشێن ئاسمانی ل سەر رۆژئاڤایێ کوردستانێ و باکورێ سووریێ کریە و دەڤەرێن جوداێن رۆژئاڤایێ کوردستانێ و چەپەرێن ھەسەدێ و یەپەگێ دکە ئارمانج.
سەرۆککۆمارێ ترکیێ رەجەب تەیب ئەردۆگان ژی گەفا دەستپێکرنا ئۆپەراسیۆنەکا بەژاھی ل رۆژئاڤایێ کوردستانێ و باکورێ سووریێ دخوە و دبێژە، د گونجاوترین دەم دا، ئەو دێ ئێریش بکن.
