وەزیرێ ناڤخوەیێ ترکیێ سولەیمان سۆیلو راگھاند کو ئارتێشێ ل پارێزگەھێن دیاربەکر، چەولگ، مووش و ئێلھێ یێن باکورێ کوردستانێ ئۆپەراسیۆنەکا لەشکەری یا ب ناڤێ “ئەرەن دۆرپێچ-پاییز-زڤستان-18” دایە دەستپێکرن.
سولەیمان سۆیلو ئیرۆ 24ێ بەرفانبارا 2022یێ سەردانا ناڤچەیا لجێ یا سەر ب دیاربەکرێ کر و راگھاند کو ئارتێشا ترکیێ ل دژی پەکەکێ دەست ب ئۆپەراسیۆنەکا لەشکەری کریە کو 4 پارێزگەھان ل خوە دگرە.
ل گۆر داخویانیا وەزیرێ ناڤخوە، ل پارێزگەھێن دیاربەکر، چەولگ، مووش و ئێلھێ ژ ئالیێ فەرمانداریێن ھەمان پارێزگەھان ڤە ب ھەڤبەشی و بەشداربوونا 3 ھەزار و 650 جەندرمەیێن ھێزێن تایبەت، پۆلیسێن ھێزێن تایبەت، کۆماندۆ دێ ئۆپەراسیۆنا ب ناڤێ “ئەرەن دۆرپێچ-پاییز-زڤستان-18” بێ کرن.
