رێخستنا په‌كه‌كێ ئیرۆ رۆژا شەمیێ ناسنامه‌یا 5 جوانێن دن یێن كورد ئه‌شكه‌ره كر کو ل سالا 2016ان كه‌تنه به‌ر ئێریشێن ده‌وله‌تا ترك و پاش ده‌رباسبوونا 6 سالان ژ نوو ڤه مرنا وان ئیفشا كر.
ناڤەندا راگهاندن و چاپەمەنیێیا ھپگعێ داخویانیەک وەشاند و تێدە کوشتنا 5 گەریلایێن خوە یێن ب ناڤێن سیدار، فرات، بۆتان، رۆژھات و باوەر کو د سالا ٢٠١٦عان دە ب دەستێ ئارتێشا ترکیێ ب کوشتن دانە ئیفشا کر، ھپگعێ د ڤێ داخویانیا خوە دە دیسا روویێ خوە یێ رەش ل پشت پەیڤێن ئەدەبی یێن جوان و بالکێش دە ڤەشارت.
رۆژ ناچە پەکەکە ناسنامەیا هن گەریلایێن خوە ئیفشا نەکە کو ب دەستێ ترکیێ ب کوشتن دانە، ئا بالکێش و جیێ پرسێ ئەڤە کو پرانیا وان چەندین سال بەرێ داینە کوشتن لێ نها ناسنامەیا وان ئەشکەرە دکە.
گەلۆ چما پەکەکە ووسا دکە؟
چاڤدێرێن سیاسی د وێ باوەرێ دە نە کو دو سەدەمێن سەرەکە هەنە پەکەکە جان ژ دەست دانا جوانێن کورد یێن د ناڤا رەفێن خوە دە ڤەدشێرە و پشتی دەرباسبوونا چەندین سالان ژ نوو ڤە ئەشکەرە دکە، سەدەما یەکەمین ئەڤە کو ژییێ پرانیا ڤان جوانان د بن 18 سالیێ دە نە و د ژییەکە هەری بچووک دە پەکەکێ یان ئەو رەڤاندنە یان ژی خاپاندنە و تەڤلی رەفێن خوە کرنە، سەدەما دویەمین ژی ئەڤە کو دخوازە شکەستنێن خوە یێن لەشکری ڤەشێرە و مالباتێن ڤان جوانان قازانج بکە، ژ بەر کو پەکەکە ژ مرنێ سوود وەردگرە.
