هەڤسەرۆکێ پارتیا هەرێمێن دەمۆکراتیک (ده‌به‌په) کەسکین بایندر و هەڤسەرۆکێ باژارێ ئامەدێ یا هه‌مان پارتیێ خه‌یره‌ددین ئالتۆن هاتن گرتن. هەڤسەرۆکا گشتی یا ده‌به‌پێ سالیحا ئایدەنیز و سەرۆکوەکیلا کۆما هه‌ده‌پێ مەرال دانش بەشتاش، بەرتەک نیشانی بریارا گرتنێ یا دادگەهێ دان.
د 23ێ بەرفەنبارا 2022ان ل 9 پارێزگەهێن ترکیێ و باکورێ کوردستانێ ئۆپەراسیۆنێن هەڤدەم هاتن کرن و د ئەنجام دە 15 کەس هاتبوون دەستەسەر کرن.
26ێ بەرفەنبارا 2022ان هەر 15 سیاسەتمەدارێن دەستەسەرکری پشتی 4 رۆژ ژ مانا ل ناڤەندا ئەولەکاریێ بۆ دادگەهێ هاتن ڤەگوهاستن.
ل دادگەها ئامەدێ ئیفادەدایینا وان دەست پێ کر. 13 کەسێن کو کارێ ئیفادەیا وان ل دادگەها ئامەدێ ب داوی بوو، ب شەرتێ کۆنترۆلا عەدلی و ب قەدەخەیا دەرکەتنا دەرڤەی وەلات هاتن بەردان.
لێ هەڤسەرۆکێ ده‌به‌پێ کەسکین بایندر و هەڤسەرۆکێ ده‌به‌پێ یێ باژارێ ئامەدێ خه‌یره‌ددین ئالتۆن ب سووچا “ئەندامتیا رێخستنا تەرۆرێ” هاتن گرتن.
