پلاتفۆرما کەد و دەمۆکراسیێ یا ئامەدێ ب بۆنەیا سالڤەگەرا کۆمکوژیا رۆبۆسکیێ ل دیاربەکرێ جڤینەکا چاپەمەنیێ ل دار خست. د داخویانیێ دا ھات گۆتن کو ناهێلن کۆمکوژی بهێت ژبیرکرن و ھەتا بەرپرس بهێن سزادان دێ تێبکۆشن.
د یازدەیەمین سالڤەگەرا کۆمکوژیا رۆبۆسکی دس چالاکیێن بیرئانینێ و شەرمەزارکرنێ تێن لدارخستن. د ڤێ چارچۆڤەیێ دا ل دیاربەکرێ ژ ئالیێ پلاتفۆرما کەد و دەمۆکراسیا ئامەدێ ل ناڤچەیا کایاپنارێ د پارکا رۆبۆسکی دا داخویانیەک ھات دایین.
داخویانی ژ ئالیێ سەرۆکا ژوورا پزیشکێن دیاربەکر ئەلیف توران ڤە ھات خواندن. د داخویانیێ دا ھات ئاماژەکرن کو دێ تەکۆشین هێت دایین دا کو کۆمکوژیا رۆبۆسکیێ نەیێ ژبیرکرن و بەرپرس بهێن سزادان. د داخویانیێ دا بال ھاتە کێشان کو ب ھێنجەتا کێماسیا بەلگەیان دۆز ھاتیە رەدکرن.
دۆزا رۆبۆسکیێ د سالا 2018ێ دا ژ ئالیێ دادگەھا مافێن مرۆڤان یا ئەورۆپایێ ڤە ھاتبوو رەدکرن سەدەم ژی وەک کێمبوونا بەلگەیان و دەرەنگ رادەستکرنا بەلگەیان نیشان دابوو.
ل ترکیێ ژی دەربارێ کۆمکوژیا رۆبۆسکی دا دادگەھکرنەک ئەنجامدایی پێک نەھاتیە و هێژ چ کەس نەھاتیە سزادان.
د 28ێ بەرفانبارا 2011ێ دا 34 گوندیێن گوندێ رۆبۆسکیا قلابانا شرنەخێ د ئەنجاما بۆمبەبارانا فرۆکەیێن شەر یێن ترکیێ دا ژیانا خوە ژ دەست دابوون.
