د 28ێ بەرفانبارا 2011ان دە 34 گوندیێن گوندێ رۆبۆسکی یا قلابانا شرنەخێ، د ئەنجاما بۆمبەبارانا فرۆکەیێن شەر یێن ترکیێ دە ژیانا خوە ژ دەست دابوون.
تەڤی کو 11 سال د سەر کۆمکوژیێ رە دەرباس بوونە ژی، هەموو لێپرسینێن دەربارێ بەرپرسیار و کریاران دە هاتنە گرتن و داخوازا دادوەریێ یا مالباتان ژی ددۆمە.
ل رۆبۆسکی د سالڤەگەرا کۆمکوژیێ دە، قوربانی ل سەر گۆرێن وان هاتن ببیرانین، مالباتێن کو وێنەیێن زارۆکێن خوە یێن هاتنە کوشتن د دەستێن خوە دە هلگرتنە داخوازا دادوەریێ دکن.
د 7ێ چلەیا 2014ان دا دۆزگەریا لەشکەری یا سەرەرکانیا ترکیێ دەربارێ دۆزا کۆمکوژیێ دە بریارا نەشۆپاندنێ دابوو، مالبات و خزمێن 34 قوربانیێن رۆبۆسکیێ ل بەندێ نە کو ب دارزاندنەکێ دادوەرانە کریار و بەرپرسیارێن کۆمکوژیێ بێنە جه‌زاکرن.
پلاتفۆرما کەد و دەمۆکراسیێ یا ئامەدێ دوهی ب بۆنەیا سالڤەگەرا کۆمکوژیا رۆبۆسکیێ ل دیاربەکرێ جڤینەکە چاپەمەنیێ ل دار خست، د داخویانیێ دە هات گۆتن کو ئەوێ کۆمکوژیێ پشتگوهـ نەخن و هەتا بەرپرس وەرن سزادان دێ تێبکۆشن.
