هێزێن سووریه‌یا ده‌مۆكراتیك، ئامارا ئێریشێن تركیێ یێن د سالا 2022ێ ده ل سه‌ر رۆژئاڤا كوردستانێ هاتنه ئه‌نجام دایین ئه‌شكه‌ره كرن.
هه‌سه‌دێ ئیرۆ رۆژا چارشه‌می 28/12/2022 ئامارا ئێریشێن ده‌وله‌تا ترك یێن د ئیسال 2022 ده ل سه‌ر رۆژئاڤا كوردستانێ و هاتنه ئه‌نجام دایین و زرارێن جانی یێن سڤیلان ئه‌شكه‌ره كرن، ل گۆری وێ، ئارتێشا تركیێ 17 هه‌زار و 433 بۆمب د ئیسالێ ده ل سه‌ر رۆژئاڤا كوردستانێ باراندنه.
هه‌سه‌ده دبێژه د سه‌رجه‌مێ ئێریشێن كو ده‌وله‌تا ترك د ئیسالێ ده ل سه‌ر رۆژئاڤا ئه‌نجام دا نه، 59 سڤیلان ژیانا خوه ژ ده‌ست دا، 263 بریندار بوونه.
هه‌روه‌ها ده‌ستنیشان كر، د چالاكیێن به‌رسڤداینێ ده، 44 له‌شكه‌ر و 22 چه‌ته هاتنه كوشتن، هه‌سه‌دێ سالا 2022 ب سالا هه‌ری ب خوین ناڤ كریه.
