ل باژارێ دێرکێ یێ رۆژئاڤایێ کوردستانێ، دو ئەندامێن پارتیا دەمۆکراتا کوردستانێ – سووریە (PDK-S) ژ ئالیێ هێزێن سەر ب رێڤەبەریا خوەسەر ڤە هاتن رەڤاندن.
هێزێن سەر ب رێڤەبەریا خوەسەر ڤە دوهی 27ێ بەرفانبارێ ئەندامێ ئەنجوومەنا هەرێمی یا PDK-S بلند مەلا ئسماعیل ژ ناڤا باژارێ دێرکێ رەڤاند.
ئیرۆ ژی هێزێن سەر ب رێڤەبەریا خوەسەر ڤە ئەندامێ کۆمیتا ناڤەندی یا PDK-S حسێن سلێمان رەڤاند و بەر ب جهەکی نەدیار ڤە بر.
هەتا نها سەدەما رەڤاندنا هەردو ئەندامێن PDK-S نەهاتیە زانین و داخوازا بەردانا دملدەست یا وان هەردو هەڤالێن خوە کر.
ژ دەستپێکا دامەزراندنا هێزێن ئاسایشێ ل رۆژئاڤایێ کوردستانێ د سالا 2012 ده، ئەندام و سەرکردەیێن پارتی و رێخستنێن د ناڤا ئه‌نه‌كه‌سێ دە ژ ئالیێ وێ ڤە تێن رەڤاندن و گرتن و ئۆفیسێن وان ژی تێن شەوتاندن. بەرپرسێن ئەنه‌که‌سێ بانگ ل هەڤپەیمانیا ناڤدەولەتی یا ب سەرۆکاتیا ئه‌مەریکایێ دکن کو بەرپرسیاریێ هلگرە و سینۆرەکێ ژ ڤان کریاران رە دەینن.
