ھێزێن پێشمەرگەیێن کوردستانێ ل قونتارێن چیایێ قەرەچۆخ ب گومانا ھەبوو بارەگەھ و ستارگەھێن تەرۆریستان، ئۆپەراسیۆنەکا لێگەرینێ پێک ئانی.
وەزارەتا پێشمەرگە ئیرۆ د داخویانیەکێ دا راگھاند، “رۆژا 28/12/2022، لیوایا 14 یا پیادەیا وەزارەتا پێشمەرگە ب ئالیکاری و پشتەڤانیا بەشا سەگڤانیا وەزارەتا پێشمەرگەیا ب ناڤێ (K9) ئۆپەراسیۆنەکا لێگەرینێ ل قونتارێن چیایێ قەرەچۆخ ب سەرکەفتی ئەنجام دا.”
دیار کر ژی، د ڤێ ئۆپەراسیۆنێ دا لیوایا 14 یا پیادە ل گوندێن گاور، کەندال، گردەشین، مەلک ئاخا و کەپەنەرەشێن ل قونتارا چیایێ قەرەچۆخ گەریان.
دا زانین ژی، ئارمانجا ئۆپەراسیۆنێ ژناڤبرنا بارەگەھ و ستارگەھێن تەرۆریستان و دابینکرنا ئارامی و ئەولەھیێ ل وان گوندان بوو کو گومان ھەبوو پاشمایێن چەکدارێن داعشێ ھەنە.
