رێخستنا په‌كه‌كێ ئامارا شه‌ر یا سالا 2022 ئه‌شكه‌ره كر و ل گۆری وێ، نێزێ 3 هه‌زار له‌شكه‌رێن ترك هاتنه كوشتن، تركیه ژی دبێژه نێزێ 4 هه‌زار ئه‌ندامێن په‌كه‌كێ هاتنه كوشتن.
هه‌په‌گێ باسكێ له‌شكه‌ری یێ په‌كه‌كێ راگهاند كو د سالا 2022ێ ده، وان 3 هەزار و 34 چالاکی ل دار خستنە کو هەزار و 232 ژ وان شەر بوونە و د وان چالاکیان دە 2 هەزار و 942 لەشکەرێن ترکیێ هاتنە کوشتن و 301 گەریلایێن هه‌په‌گێ ژی جانێ خوە ژ دەست دانە.
ل ئالیێ دن وەزیرێ به‌رگرییا ترکیێ هولوسی ئاکار د داخویانیا خوە یا تێکلداری ئامارا سالا 2022ێ دە دیار کر کو 3 هەزار و 982 ئەندامێن هه‌په‌گێ هاتنه كوشتن.
هه‌ر یێك ژ ده‌وله‌تا ترك و رێخستنا په‌كه‌كێ هه‌ر ل ناڤبه‌را چه‌ند رۆژان ئامارێن شه‌ر پارڤه‌دكن، هه‌ر یێك دبێژه مه ئه‌وقاس كوشتنه، لێبه‌لێ هه‌ردو ئالی راست نابێژن و ڤێ وه‌كه شه‌ره‌كی مه‌دیایی ل دژی هه‌ڤ د مه‌شینن، زرارا راستین یا شه‌ر گه‌لێ باشوورێ كوردستانێ دده.
