ل دیاربەکرێ دو پۆلیس ب تومەتا ئێریشکرنە سەر وەلاتیەکی کورد ژ کار ھاتن دوورخستن

ل دیاربەکرێ دو پۆلیس ب تومەتا ئێریشکرنە سەر وەلاتیەکی کورد ژ کار ھاتن دوورخستن

 ل باژارێ دیاربەکرێ دو پۆلیسێن کو ئێریشێ وەلاتیەکی کورد کربوون، ژ کار ھاتن دوورخستن و وەلاتیێ کورد ژی ھات بەردان.

ل گۆر ڤیدەۆیەکێ کو د سۆسیال مەدیایێ دا بەلاڤ بوویە، ل باژارۆکێ رەزانێ یێ باژارێ دیاربەکرێ ھەژمارەک پۆلیس ژ بۆ پشکنینێ وەلاتیەکی رادوەستینن، پاشێ د ناڤبەرا وان دا ئالۆزی دەردکەڤە و پۆلیس ل وی وەلاتیی ددن.

ڤێ ڤیدیۆ ل سۆسیال مەدیایێ نەرازیبوون و کارڤەدانەکا مەزن ل پشت خوە ئانی. د دەرحەقێ مژارێ دا پارێزگاریا دیاربەکرێ داخویانی دا و راگھاند، وان دەربارێ بوویەرێ دا لێپرسین دانە دەستپێکرن و دو پۆلیسێن کو ل وەلاتیێ کورد دانە ژی، ژ کار دوور خستنە.

پارێزگاریا دیاربەکرێ دا زانین ژی، ئەو بوویەر رۆژا 14 بەرفانبارا 2022یێ روو دایە و دەما پۆلیسان ئەو وەلاتی پشکنین کرنە، د بەریکا وی دە کێر ھەبوویە و دەما پۆلیسان خواستنە دەست دەینن سەر کێرێ، وی ھەول دایە ئێرشی پۆلیسان بکە، ژ بەر وێ ژی راستی بەرتەکا پۆلیسان ھاتیە.

وەلاتیێ کو پشتی 14 رۆژان د گرتیگەھێ دا مابوو، د رۆژا سەرسالێ ھاتە بەردان و ھەر دو پۆلیس ژی ژ ئالیێ رێڤەبەریا پۆلیسان یا دیاربەکرێ ڤە ژ کار ھاتن دوورخستن.

پوستێن ھەمان بەش