بالەفرێن ترکیێ بنکەیێن پەکەکێ ل ئاکرێ بۆمبەباران کرن

 بالەفرێن شەری یێن ترکیێ بنکە و بارەگەھێن پەکەکێ یێن ل ناڤچەیا دینارتێ یا ئاکرێ بۆمبەباران کرن.

مەسعوود سرووشت کو خەلکێ ناڤچەیا دینارتە یا ناڤچەیا ئاکرێ یە ژ بۆ کوردستان 24 گۆت: “بالەفرێن شەری یێن ترکیێ ژ ئیرۆ دانێ سبێ ڤە ب توندی بنکە و بارەگەھێن پەکەکێ ل ناڤچەیێ بۆمبەباران دکن.”

ھەروھا گۆت، بالەفرێن شەری یێن ترکیێ بارەگەھێن پەکەکێ یێن ل گوندێن کافیا، بابۆنا، سیرانیێ و نیپاخێ یێن ناڤچەیا دینارتێ بۆمبەباران کرن.

ئەڤ یەک د دەمەکێ دا یە، ئارتێشا ترکیێ ژ رۆژا 18ێ نیسانا 2022یێ ڤە ل ناڤچەیێن زاپ، ئاڤاشین و مەتینا یێن د ناڤ ئاخا باشوورێ کوردستانێ دا ل دژی پەکەکێ دەست ب ئۆپەراسیۆنا ب ناڤێ پەنجە-کلیت کریە و ئۆپەراسیۆن ھەتا نھا بەردەوامە.