سەلاحەدین دەمیرتاش ژ بۆ وەرگرتنا پێشنیارێن خەلکێ مالپەرەکێ ڤەدکە، لێ زمانێ کوردی د مالپەرا وی دە نینە.
هەڤسەرۆکێ بەرێ یێ هه‌ده‌پێ سەلاحەدین دەمیرتاش کو نها د گرتیگەهێ دە یە، ژ بۆ شاندنا پێشنیار و نێرینان، دوهی لینکا مالپەرەکێ ل سەر تویتەرێ بەلاڤ کر و دیار کر، دێ هەموو نێرینێن کو وەرن مالپەرا وی، دێ ب پارێزەرێن وی بگهن وی و ئەوێ هەموو نێرین و پێشنیاران ب هوورگلی بنرخینە.
مالپەرا دەمیرتاش ب 4 زمانانە و وەلاتی دکارن ب ترکی، ئینگلیزی، ئالمانی و فرانسی شیرۆڤە و پێشنیارێن خوە بشینن، لێ کوردی د بەشا زمانان یا وێ مالپەرێ دە نینە.
ب سه‌ده‌ما نەبوونا زمانێ کوردی د مالپەرێ دە، ده‌میرتاش ل مەدیایا جڤاکی راستی رەخنە و نەرازیبوونێن توند ژ ئالیێ شۆپینەران ڤە هاتییە.
د ڤێ دەربارێ دە سەکرەتەرێ گشتی یێ حەرەکەتا ئازادی، مه‌تین پیرانی ژ بەر ڤەکرنا ڤێ مالپەرا یا نوو دەمیرتاش پیرۆز کر، د هەمان دەمێ دە ژی رەخنە لێ گرت و نەبوونا زارڤێن کورمانجی و زازاکی د وێ مالپەرێ دە، ب کێمانیەکە مەزن ب ناڤ کر.
