رێخستنا په‌كه‌كێ ناسنامه‌یا فه‌رمانداره‌كێ خوه ئه‌شكه‌ره كر كو ساله‌ك و 7 مه‌هان به‌رێ ل باشوورێ كوردستانێ ژیانا خوه ژ ده‌ست دایه و ژ نوو ڤه مرنا وی ئیفشا كر.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا چارشه‌می 4/1/2023 راگهاند، فەرماندارەکی وان یێ ب ناڤێ «سه‌عید ئەرگول» و ب كۆدناڤێ «دەنیز پیر» ژیانا خوە ژ دەست دایە.
ده‌ستنیشان كر، ده‌نیز پیر ل 21ێ گولانا 2021ێ ژ زنارێ کەتیە و ژیانا خوە ژ دەست دایە.
ل گۆر داخویانیا هپگێ، ئەو فەرماندارێ وان ل قەندیلێ د ئەرکا خوە دە بوویە ده‌ما كو ژ زنارێ کەتیە!.
هپگێ راگهاندیە کو دەنیز ل گوندەکی ناڤچەیا بازیدێ یا باکورێ کوردستانێ ل قونتارا چیایێ ئاگریێ ژ دایک بوویە و د 15ێ تەباخا 1999ان دە ل دێرسمێ تەڤلی رەفێن پککێ بوویە.
ئه‌ڤ نه جارا یه‌كه‌مه رێخستنا په‌كه‌كێ وه‌نداكرنا فه‌رماندارێن خوه ب مرنێن ب گۆمان ئیلان دكه، كه‌تنا ده‌نیز یا ژ زنارێ ژی و ڤه‌شارتنا ڤێ كه‌تنێ بۆ ده‌ما ساله‌ك و 7 مه‌هان وان گومانا بێتر دكه كو په‌كه‌كێ ب هه‌زاران كادرۆ و فه‌رماندارێن خوه تاسفیه كرنه.
