ل پارێزگەها وانێ یا باکورێ کوردستانێ، دو سەربازێن ترکیێ ب توهمەتا دەستدرێژیا ل سەر ژنەکە کۆچبەر یا ئەفغانی هاتن گرتن.
رۆژا 2ێ چلەیا 2023ێ ل ناڤچەیا سارایێ سەر ب پارێزگەها وانێ ڤه، 17 کۆچبەرێن بەنگلادشی و کۆچبەرەکا ئەفغانی یا ب ناڤێ (ل.م) کو ب قەچاخی خوە گهاندبوون پارێزگەها وانێ، ژ ئالیێ هێزێن ئەولەکاریێ یێن ترکیێ ڤە هاتن دەستەسەرکرن.
ل گۆر ئاگاهیێن مەدیایا ترکیێ بەلاڤ کرنە، ژ بەر نەبوونا ئەفسەرا ژن ل بنکەیا پۆلیس، دو سەربازێن گرێبەست پشتی پشکنین بۆ (ل.م) کرین، ئەو برنە ئاڤاهیا چاڤدێریێ و ل ور دەستدرێژیا وێ ژنا ئەفغان کرنە.
هەردو سەرباز ب توهمەتا دەستدرێژیێ هاتنە دەستەسەرکرن و پشترە ب بریارا دادگەها جەزا یا سولحێ هاتن گرتن. هەروه‌ها فەرمانا نەهێنی مایینا لێکۆلینا کو ژ ئالیێ سەرۆکاتیا دۆزگەریا گشتی یا سارایێ ڤە تێ کرن هات دایین.
