بولدان: ھەدەپە دێ ب کاندیدێ خوەیێ سەرۆککۆماریێ بەشداری ھلبژارتنان بت

بولدان: ھەدەپە دێ ب کاندیدێ خوەیێ سەرۆککۆماریێ بەشداری ھلبژارتنان بت

 ھەڤسەرۆکا گشتی یا پارتیا دەمۆکراتیکا گەلان (ھەدەپێ) پەرڤین بولدان راگھاند: “ئەم دێ وەک ھەدەپە، د دەمەکێ نێزیک دا کاندیدێ خوەیێ سەرۆککۆماریێ ژ بۆ ترکیێ راگھینن.”

پەرڤین بولدان د کۆنگرەیا ئاسایی یا رێخستنا باژارێ قەرسێ یا ھەدەپێ دا ئاخڤی و راگھاند، پارتیا دەمۆکراتیکا گەلان (ھەدەپە) دێ ژ بۆ ھلبژارتنێن سەرۆککۆماریا ترکیێ کاندیدێ خوە دیار کت.

ھەڤسەرۆکا گشتی یا ھەدەپێ دیار کر: “نھا ھەر کەس ل بەندا مژارا دیارکرنا کاندیدێ سەرۆککۆماریێ یە. ئەم دێ وەک ھەدەپە، د دەمەکێ نێزیک دا کاندیدێ خوەیێ سەرۆککۆماریێ ژ بۆ ترکیێ راگھینن. ھەدەپە دێ کاندیدێ خوە دەرخە، کاندیدێ خوە نیشان بدە و ب کاندیدێ خوە بەشداری ھلبژارتنان بت.”

ھەروھا دەستنیشان کر: ” مە چ ھەڤپەیمانی، نە لگەل هەڤپەیمانیا جمهۆری، نە لگەل هەڤپەیمانیا ملەت نینە. تەنێ پرەنسیبێن مەیێن کو مە نێزیک بکە ھەنە، دەما کو وەختێ وێ بهێت، ئەم دکارن روونن و ڤان مژاران گۆتووبێژ بکن و د دیالۆگێ دا بن. لێ بەلێ نھا بریارا ھەدەپێ ئەوە کو ب کاندیدێ خوە بەشداری ھلبژارتنان ببت.”

بولدان ل سەر ھلبژارتنێن پارلامەنتەران ژی دیار کر کو ئەو دێ ب تفاقەکا بەرفرەھ بەشداری ھلبژارتنان ببن و ھەدەپە نە تەنێ پارتیا کوردانە، د ھەمان دەمێ دا سیوانا ھەموو نەتەوە و چینێن ل ترکیێ یە.

پوستێن ھەمان بەش