ھەژار مام خۆسرەوی، کورێ رزا یە و ل گوندێ ھۆرت کەند یێ سەر ب باژارێ بۆکانێ ژ داییک بوویە. رۆژا 14/1/2003 ل گەل خوشکا خوە یا جێوی ب ناڤێ “ھێرۆ” ل نەخوەشخانەیا بۆکانێ ژ داییک بوویە.
ھەژار ھەتا پۆلا شەشێ دبستانا سەرەتایی ب داوی ئانی، لگەل مالباتا خوە ل گوندێ ھوورت کەندێ ئاکنجی بوون. پاشێ مالباتا وی ژ بۆ بەردەوامیا خوەندنا کورێ خوە کۆچبەری بۆکانێ بوون و ل تاخا “مەجبووراوا” یا ڤی باژێری ئاکنجی بوون.
هەژار مام خۆسرەوی خوەندنا خوە هەتا قۆناغا دبستانا ئامادەیی و پۆلا 11 ئامادەیی د بەشا میکانیکێ دە بەردەوام کر و پشترا ل گەل مالباتا خوە کارێ چاندنیێ کر.
ھەژار ژ بەر پێگەها جڤاکی یا مالباتا خوە، ب وێرەکیا خوە یا نەتەوەپەرەستیێ دھات ناسکرن و ژ زارۆکاتیا خوە دا ب سەمبۆلێن سەرکەفتنێ دھات ناسکرن.
د 17/11/2022یێ دە، پشتی بەشداریا د مەراسیما داوەتەکێ دا، هەژار مام خۆسرەوی تەڤلی رەفێن خوەنیشاندەرێن بۆکانێ بوو و ژ ئالیێ یەک ژ پاسدارێن شۆرەشا ئیسلامی یا ئیرانێ (جاش) ب ناڤێ “قالەرەش”، ب چەکێ رێکخستنی راستی لێدانا چەکێ دهێت و بریندار دبت، ژ بەر گرانیا برینا وی، پاش ڤەگوهاستنا وی ژ بۆی نەخوەشخانەیێ پشتی دەمژمێرەکێ جانێ خوە ژ دەست ددە.
رەژیما ئیرانێ تەڤی شەھیدکرنا هەژار، زەختەکا مەزن ل مالباتا وی دکە و ناھێلە کو جەنازەیێ کورێ خوە ب ئەشکەرەیی دەفن بکن.
مالباتا شەھید ھەژار د بن زەختێن گران یێن ھێزێن ئەولەکاری و زۆردارێن رەژیما ئیرانێ دا، نەچار مان دەمژمێر 11ێ شەڤێ جەنازەیێ شەھید ھەژار بێیی بەشداریا خزم، دۆست و ھەڤوەلاتیێن وی ب ئاخا پیرۆزا کوردستانێ بسپێرن.
مالباتا هەژار مام خۆسرەوی ھێژ د بن زەختێن سازیێن ئەولەھیێ یێن رەژیما داگیرکەر یا ئیرانێ دا یە.
چیرۆکا هەژارێ کوردان، یەک ژ سەدان و ب ھەزاران چیرۆکێن خۆرتێن کوردە کو ژ بەر رەژیمێن داگیرکەرێن کوردستانێ تووش بوونە. یەکانە رێیا دەرکەتنا ژ ڤان چیرۆکێن تراژیک، سەروەریا نەتەوی یا کورد و رزگاریا داوی و سەرخوەبوونا کوردستانێ یە.
