ل ناڤچەیا سوێرەگ یا سەر ب پارێزگەھا رحا یا باکورێ کوردستانێ، زارۆکێ 9 سالی یێ کو خوەست ب چەک وێنە بگرە، ب خەلەتی گولـلە بەردا داییکا خوە و داییکا وی ژیانا خوە ژ دەست دا.
ل گۆر چاپەمەنیا ترکیێ ل تاخا کایناکباش یا ناڤچەیا سوێرەگێ زارۆکێ ب ناڤێ ف.ھ دەما ل گەل داییکا خوە ل مال بوویە، خوەستیە ب چەک وێنە بگرە و گولـلە ژ دەست دەرکەتیە و ل سەرێ داییکا ب ناڤێ گۆزەل ھانچەر کەتیە.
پشتی دەنگێ چەک ھاتیە ئەندامێن مالباتێ ھاتنە جیھێ بوویەرێ و دیتنە کو داییک د ناڤ خوینێ دا مایە و بانگی تیمێن ناڤەندا لەزگین ئا 112ێ یێن تەندورستیێ کرن.
پشتی ھاتنا تیمێن تەندورستیێ دەرکەتیە کو داییکا ب ناڤێ گۆزەل ھانچەر ژیانا خوە ژ دەست دایە و ئەو ژ بۆ نەخواشخانەیا سوێرەگێ یا دەولەتێ ھاتیە ڤەگوھەستن و زارۆکێ 9 سالی یێ ب ناڤێ ف.ھ ژی برنە بنکەیێ ئاساییشێ.
