پەکەکێ، کەچەکا دن ل خوەندنگەهێ رەڤاند

پەکەکێ، کەچەکا دن ل خوەندنگەهێ رەڤاند

 گرۆپا جوانێن شۆرەشگەر یا سەر ب پەکەکێ ڤە، کەچەک د ناڤ کامپێن کۆچبەران یا ل ناڤچەیا شەھبا یا سینۆرێ باژارێ حەلەبێ دا رەڤاند و گومان تێ کرن کو ب زۆرێ وێ بکن چەکدار و بخن ناڤ رێزێن ھێزێن خوە یێن چەکدار دا.

ل گۆر ئاگاهیان، ڤێ گرۆپا سەر ب پەکەکێ ڤە کەچا 15 سالی یا ب ناڤێ ئەلیف ئۆسمان ل خوەندنگەهێ رەڤاندیە.

باسکێن پەکەکێ د رەڤاندنا زارۆکێن کوردێن رۆژئاڤایێ کوردستانێ و بێبەش کرنا وان یا ل ژیانا ئاسایی و خواندنێ دا بەردەوامە، پشترا ژی دکن چەکدار و ل سینۆرێن سووریێ و ئیراقێ وان بەشداری شەر دکن و ب کوشتن ددن.

د سالا بۆری دا پەکەکێ ب سەدان زارۆکێن کوردێن ئێزدی رەڤاندن کو پرانیا وان ژی تەمەنێ وان د ناڤبەرا 12 ھەتا 16 سالی بوون. ل گۆر زانیاریان ئەڤ حیزبە ژ رەوشا جڤاکی یا ھندەک ژ مالباتان سوود وەردگرە و زارۆکێن وان دخاپینە و پشترا ژی درەڤینە و ناڤ رێزێن خوە دا دکە چەکدار. ئەڤ یەک ژی ل گۆر باوەریا چاڤدێر و سیاسەتمەداران، مەترسیەکا مەزن ل سەر جڤاکێ ب گشتی و مالباتان ئاڤا دکە.

پوستێن ھەمان بەش