سەرۆکێ گشتی یێ ھاک-پارێ دوزگون کاپلان ل ئامەدێ سەرەدانا پاکێ کر

سەرۆکێ گشتی یێ ھاک-پارێ (پارتییا ماف و ئازادییان) دوزگون کاپلان، ل گەل جیھگرێن سەرۆکێ گشتی یێ ھاک-پارێ عاریف سەڤینچ و داڤووت بیلینمیش، ئەندامێ لژنەیا سەرۆکاتییێ مەعسووم چەلەبی، ئەندامێ مەجلیسا پارتییێ موستەفا ئایتاچ، رۆژا 11/1/2023یێ ل ئامەدێ سەرەدانا پاکێ (پارتییا ئازادییا کوردستانێ) کرن.

جیھگرێن سەرۆکێ گشتی یێ پاکێ ڤاھیت ئابا و نوورووللاھ تیموور، بەردەڤکێ پاکێ ھانیفی تووران، ئەندامێ مەجلیسا پارتییێ یا پاکێ شەریف کاراکوورت پێشەوازییا شاندا ھاک-پارێ کرن.

د ھەڤدیتنێ دا شاندێن پاک و ھاک-پارێ گرینگییا پەیوەندییێن ھەردو پارتییان ئانین زمان و ل سەر رەوشا کوردستانێ و ترکییەیێ، ل سەر پەیوەندییێن د ناڤبەرا ھێزێن نەتەوەیی دا بیر و رایێن خوە ب ھەڤدو را پارڤە کرن.

ھەروەھا ھاک-پارێ ژ بۆ نرخاندنا ھلبژارتنێن کو د 18ێ خزیرانا 2023یێ دا دێ ل دار بکەڤن، بانگی جڤینەکا ھەڤبەش ل پاکێ و ھندەک پارتی و تەڤگەرێن کوردان کر.

ھەڤدیتنا شاندا ھاک-پارێ و پاکێ د کەشەکێ دۆستانە و بەرھەمدار دا دەرباس بوو.