نوونەرێ ئامەریکایێ سەردانا ئەنەکەسێ کر

نوونەرێ وەزارەتا دەرڤەیا ئامەریکایێ یێ ل باکور و رۆژھلاتێ سووریێ نیکۆلاس گرانگەر، لگەل ئەنەکەسێ، پێشھاتەیێن ھەری داوی یێن دەڤەرێ گۆتووبێژ کرن.

ئیرۆ چارشەمبێ 11ێ چلەیا 2023یێ، نوونەرێ وەزارەتا دەرڤەیا ئامەریکایێ یێ ل باکور و رۆژھلاتێ سووریێ نیکۆلاس گرانگەر سەردانا بارەگەھا ئەنجوومەنا نشتمانییا کوردی ل سووریێ (ئەنەکەسێ)یا ل قامشلۆیێ کر.

نیکۆلاس گرانگەر د سەردانا خوە دە لگەل سەرکردەتیا ئەنەکەسێ جڤیا، کو ژ محەمەد ئیسماعیل، سلێمان ئۆسۆ، فەیسەل یووسف، نیعمەت داووود و فەسلا یووسف پێک دھات.

ھات ئەشکەرەکرن کو د ھەڤدیتنێ دە نیکۆلاس گرانگەر و سەرکردەتیا ئەنەکەسێ پێشھاتەیێن ھەری داوی یێن دەڤەرێ گۆتووبێژ کرنە.