“ئاگاھداریا دەرسێن زمانێ کوردی ئیسال وەک فەرمی نەھاتیە راگھاندن”

"ئاگاھداریا دەرسێن زمانێ کوردی ئیسال وەک فەرمی نەھاتیە راگھاندن"

شاخێن سەندیکایا کەدکارێن پەروەردەھیێ ئەگیتیم-سەنێ یێن ل دیاربەکرێ، داخویانیەک ل سەر پەروەردەھیا ب زمانێ زکماکی و ب تایبەتی ژی دەرسێن بژاردە راگھاند. د داخویانیێ دا بال ھات کشاندن کو ھەر سال ئاگاھداریا دەرسێن بژاردەیێن زمانێ زکماکی دھاتن کرن، لێ ئیسال وەزارەتا پەروەردەھیا ترکیێ ھێژ ئەو راگھاندن نەدایە خوەندنگەهان.

رێڤەبرێ شاخا دویەمێ ئەگیتیم-سەنا دیاربەکرێ فەسیح زیرەک راگھاند کو ئیسال خوەندنگەهێن کو مامۆستەیێن ئەندامێن سەندیکایێ لێ کار دکن، ئاگاھداریا کو گەلۆ دەرسێن بژاردە دێ ژ کەنگێ و ھەتا کەنگێ بکارن بێن بژارتن، وەک فەرمی نەھاتیە راگھاندن و ئەڤ ژی گومانێن جودا پەیدا دکە.

ئەندام و رێڤەبرێن ئەگیتیم-سەنێ  پشتگریا خوە ژ بۆ پەروەردەھیا ب زمانێن زکماکی راگھاندن و بال کشاندن کو ئەوێ بشۆپینن کو ھەموو زمان بکارن پەروەردەھیێ ببینن و رایەدار ژی بەرپرسیارییێن خوە ب جھ بینن.

ل ترکیا و باکورێ کوردستانێ دەرسێن زمانێ کوردی ژی د ناڤ دە، دەرسێن بژاردەیێن ب زمانێ زکماکی د سالا 2011ێ دە وەک ماف ب فەرمی ھاتبوو ناسکرن.

پوستێن ھەمان بەش