به‌رخوه‌دانا په‌كه‌كێ یا كوشتنا زارۆكێن كوردان ده‌وام دكه‌

رێخستنا په‌كه‌كێ ناسنامه‌یا 4 جوانێن دن یێن كورد ئه‌شكه‌ره‌ كر كو هێژان د ده‌ستپێكا گێنجاتییا خوه‌ ده‌ نه‌ و ل داوییا سالا رابووری ل باشوورێ كوردستانێ ل ژێر ناڤێ به‌رخوه‌دانێ به‌رێ وان دایه‌ مرنێ.

هه‌په‌گێ باسكێ له‌شكه‌ری یێ په‌كه‌كێ، ناسنامه‌یا 4 چه‌كدارێن دن ئه‌شكه‌ره‌ كر دو ژ وان نوو ته‌مه‌نا زارۆكتیێ ده‌رباس كرنه‌ و ل 22 مژدارا سالا رابووری 2022ێ ل باشوورێ كوردستانێ د به‌رخوه‌دانا خوه‌ یا ساخته‌ ده‌ ب ده‌ستێ ئارتێشا ده‌وله‌تا ترك دانه‌ كوشتن.

هه‌په‌گێ د په‌سنێ ڤان جوانان ده‌ دیسا گۆتییه‌: «ئه‌و ملیتانێن هێژا یێن ئاپۆ بوون و ئه‌و لاییقی ئاپۆ ده‌ركه‌تن»!.

په‌كه‌كه‌ هه‌ر رۆژ وێنه‌یێن كۆمێن زارۆك و جوانێن كوردان د مه‌دیایا خوه‌ ده‌ پارڤه‌دكه‌، ئه‌و جوانێن كو د به‌رخوه‌دانا خوه‌ یا ساخته‌ ده‌ به‌رێ وان دده‌ مرنێ، په‌كه‌كه‌ زارۆكێن كوردان د ره‌ڤینه‌ و ب ده‌ستێ ئارتێشا ده‌وله‌تا داگیركه‌ر دده‌ كوشتن و پشتره‌ تێ و دبێژه‌: ئه‌و لایقی ئاپۆ ده‌ركه‌تن!.